ԱԺ նախագահ Ալեն Սիմոնյանը մանրամասներ է հայտնել Թուրքիայի Ազգային մեծ ժողովի խոսնակ Նուման Քուրթուլմուշի հետ հանդիպումից:
«Քննարկեցինք երկկողմ հարցերի լայն շրջանակ, Հարավային Կովկասում խաղաղության գործընթացը և ընդհանուր տարածաշրջանը։ Ես ներկայացրել եմ նաև Հայաստանի կառավարության «խաղաղության խաչմերուկ» նախագիծը։ Մենք պայմանավորվել ենք հետագայում շարունակել մեր շփումները»,- հայտնել է նա:
Իր հերթին թուրքական կողմը նույնպես հայտարարություն է տարածել հանդիպման վերաբերյալ։
«Քուրթուլմուշը նշել է, որ Թուրքիան վերջին շրջանում առաջնահերթություն է տալիս լարվածությունների նվազեցմանը և երկկողմ հարաբերությունների կարգավորմանը, շեշտել է, որ այն աշխարհագրությունում, որտեղ գտնվում են նաև Թուրքիան և Հայաստանը, ամեն տեսակ համագործակցություն լինելու է ի շահ ժողովուրդների։
Քուրթուլմուշն նշել է, որ անհրաժեշտ է կենդանի/ակտիվ պահել տարածաշրջանի երկրների միջև երկխոսությունը, ասել է, որ Թուրքիան և Հայաստանը հանգիստ կարող են խոսել տարածաշրջանային թեմաների մասին։
Քուրթուլմուշը նշել է, որ “հաղթում են երկու կողմերն էլ” (win-win) սկզբունքի շրջանակում այդ կարգավորման գործընթացի առաջ մղման դեպքում երկու կողմն էլ շահած են դուրս գալու»,-նշված է եղել հայտարարության մեջ։
Հետևեք մեզ տելեգրամում
