Իրանի նախագահ Մասուդ Փեզեշքիանը հանդիպել է այդ երկրի հոգևոր առաջնորդ Ալի Խամենեիի հետ: Տեղեկությունը հայտնում է իրանական ISNA լրատվամիջոցը:
Հանդիպման ընթացքում Փեզեշքիանն ընդգծել է, որ հարևան երկրների հետ հարաբերությունների զարգացումն Իրանի կառավարության առաջնահերթություններից է:
«Չինաստանի, ՌԴ, Ադրբեջանի, Հայաստանի, Թուրքիայի, Թուրքմենստանի, Պակիստանի, Աֆղանստանի և Իրանի հետ ռազմավարական համագործակցության ձգտող երկրների հետ համագործակցության ընդլայնումն այն հարցերից է, որ կառավարությունն ուշադրության է առել»,- ասել է Իրանի նախագահը:
Նա նշել է նաև, որ հարևանների հետ հարաբերությունների ընդլայնման համար կառավարությունը լավ նախագծեր է մշակել: Փեզեշքիանն ընդգծել է, որ միաժամանակ միայն հարևաններով չեն սահմանափակվում, այլև երկխոսում են աշխարհի տարբեր երկրների հետ:
Հետևեք մեզ տելեգրամում
