Թուրքիայի ներքին գործերի նախարար Մուստաֆա Չիֆթչին Անկարայում հանդիպել է Իրանի ներքին գործերի նախարար Էսքանդար Մոմինիի հետ։ Թուրքիական «Anadolu» պետական լրատվական գործակալության հաղորդմամբ՝ հանդիպման ժամանակ քննարկվել են Թուրքիայի կողմից ահաբեկչական համարվող «Քուրդիստանի բանվորական կուսակցության» (PKK-ՔԲԿ) և «Քուրդիստանի համայնքների միության» (KCK) կազմակերպությունների լուծարման ու զինաթափման հարցերը։
Բացի այդ անդրադարձ է կատարվել նաև վերոնշյալ կազմակերպությունների՝ տարբեր անուններով և տարբեր տարածաշրջաններում գործունեություն ծավալող դուստր կառույցների վերացմանը։ Չիֆթչին ընդգծել է «ահաբեկչության և միջազգային հանցագործությունների», թմրանյութերի ապօրինի շրջանառության դեմ պայքարում երկու երկրների համակարգված գործելու կարևորությունը։
Հետևեք մեզ տելեգրամում
