Կարաբյուք համալսարանի (KBU) թուրք հնագետները Թուրքիայի արևելյան հատվածում հայտնաբերել են մ.թ. 5-րդ դարի քրիստոնեական բրոնզե կախազարդ։ Կախազարդը զարդարված է լեգենդար Սողոմոն թագավորի պատկերով, որը նստած է ձիու վրա և նիզակով խոցում Սատանային։
Արտեֆակտի երկու կողմերում հայտնաբերել են նաև հին հունարենով գրություններ։ Առջևի մասում գրված է՝ «Մեր Տերը հաղթեց չարին», իսկ հետևի մասում չորս հրեշտակապետների անուններն են՝ Ազրայիլ, Գաբրիել, Միքայել և Իսրաֆիլ:
Ըստ գիտնականների՝ սա Անատոլիայում երբևէ հայտնաբերված իր տեսակի մեջ միակ կախազարդն է։ Հնագետները այն հայտնաբերել են բյուզանդական Ադրիանապոլսում պեղումների ժամանակ: Փորձագետների կարծիքով՝ կախազարդը կարող էր պատկանել զինվորականի, հավանաբար ձիասպորտի մարտիկի։
Գիտնականները հավելել են, որ նման կախազարդ նախկինում հայտնաբերվել է Երուսաղեմում, ինչը ենթադրում է, որ Ադրիանապոլիսը հին ժամանակներում կարևոր կրոնական կենտրոն է եղել:
Հետևեք մեզ տելեգրամում
