Վրաստանի փոխվարչապետ. Միջին միջանցքը երկրի գլխավոր առաջնահերթությունն է

Վրաստանի կառավարության առաջնահերթությունը Միջին միջանցքի կայունության և երկարակեցության բարձրացումն է, այդ թվում՝ ենթակառուցվածքների բարելավմամբ: Այս մասին Բաքվում անցկացվող ՄԱԿ-ի Կլիմայի փոփոխության համաժողովում ասել է Վրաստանի առաջին փոխվարչապետ, էկոնոմիկայի և կայուն զարգացման նախարար Լևան Դավիթաշվիլին։

«Վրաստանի տրանսպորտալոգիստիկ սեկտորը վերջին տարիներին զգալի աճ է գրացել՝ 36% 2022թ․-ին և 13% 2023թ․-ին։ Աճում են նաև երկրի միջազգային բեռնափոխադրումները․ նախորդ տարի ծավալը հասել է 27 մլն տոննա։ Միևնույն ժամանակ տրանսպորտային սեկտորը մնում է ջերմոցային գազերի արտանետման աղբյուր, ինչը վկայում է ոլորտը կանաչապատելու համար հետագա ջանքերի անհրաժեշտության մասին»,-ասել է նախարարը։

Միջին միջանցքը երթուղի է, որն անցնում է Չինաստանով, Ղազախստանով, Կասպից ծովով, Ադրբեջանով, Վրաստանով, Թուրքիայով դեպի եվրոպական երկրներ։