Վրաստանի վարչապետ Իրակլի Կոբախիձեն կրկին հայտարարել է ԱՄՆ-ի հետ հարաբերությունների վերագործարկման մասին։ Նրա խոսքով, պաշտոնական Թբիլիսին հույսը դնում է «իրական գործընկերության, ոչ թե թղթի վրա»։
«Մենք պատրաստ ենք սկսել այդ մասին խոսել նոր վարչակազմի հետ»,-ասել է Կոբախիձեն։
Միաժամանակ նա հույս է հայտնել, որ «նոր վարչակազմը առաջ չի քաշի վրացական հասարակության արժեքներին հակասող պահանջներ»։ Կոբախիձեն չի պարզաբանել, թե կոնկրետ ինչի մասին է խոսքը և կոնկրետ ինչ պահանջներ պետք է հանի Վաշինգտոնը օրակարգից։
Միացյալ Նահանգները Բայդենի վարչակազմի օրոք հայտարարեց Վրաստանի հետ հարաբերությունների վերանայման մասին՝ «ժողովրդավարությունից հետ կանգնելու» պատճառով։ Վաշինգտոնը վերջերս հայտարարեց ռազմավարական գործընկերության դադարեցման մասին՝ Վրաստանի իշխող կուսակցության գործողությունների պատճառով։
Հետևեք մեզ տելեգրամում
