ԱՄՆ Պետդեպը հավելյալ անհատական պատժամիջոցներ է սահմանել Վրաստանի կառավարության և խորհրդարանի որոշ ներկայացուցիչների, իրավապահ մարմինների, անվտանգության աշխատակիցների և անհատների նկատմամբ։ Պետդեպի վիզաների սահմանափակման քաղաքականության շրջանակներում արգելվում է վիզա տրամադրել մոտ 20 հոգու, ովքեր «պատասխանատու կամ մեղսակից են Վրաստանում ժողովրդավարությունը խարխլելու համար»։
«ԱՄՆ-ն խստորեն դատապարտում է «Վրացական երազանք» կուսակցության շարունակական, դաժան և չարդարացված բռնությունները Վրաստանի քաղաքացիների, այդ թվում՝ ցուցարարների, լրատվամիջոցների ներկայացուցիչների, իրավապաշտպանների և ընդդիմադիր գործիչների նկատմամբ։ «Վրացական երազանքը» շեղվել է Վրաստանի եվրաատլանտյան ապագայից, որը վրաց ժողովրդի ճնշող մեծամասնության ցանկությունն է, և որը նախատեսում է Վրաստանի սահմանադրությունը»,- ասվում է հաղորդագրությունում։
Հետևեք մեզ տելեգրամում
