Դևլեթ Բահչելին հանդիպել է Օջալանին այցելած պատվիրակության հետ

Թուրքիայում գործող «Հավասարության և ժողովրդավարության ժողովրդական կուսակցության» ( DEM) ղեկավարներն այսօր Անկարայում հանդիպել են «Ազգայնական շարժում» ծայրահեղ աջ կուսակցության առաջնորդ Դևլեթ Բահչելիի հետ։

Թուրքական լրատվամիջոցների փոխանցմամբ, հանդիպումը շարունակվել է մոտ 40 րոպե։

Բահչելիի հետ հանդիպմանը մասնակցում էին քրդամետ կուսակցության այն ղեկավար անդամները, որոնք անցած շաբաթ Իմրալի կղզու բանտում այցելել էին «Քրդստանի բանվորական կուսակցության» հիմնադիր Աբդուլա Օջալանին։

Քուրդ գործիչներն երեկ հանդիպել են նաև Թուրքիայի խորհրդարանի նախագահի հետ՝ ծանոթանցնելով նրան Օջալանի հետ հանդիպման մանրամանսերին։

Հիշեցնենք, որ Թուրքիայում ահաբեկչական համարվող «‎Քրդստանի բանվորական կուսակցության‎»‎ (PKK) առաջնորդ Աբդուլլահ Օջալանը, ով ցմահ ազատազրկված է 1999-ից ի վեր, պատրաստ է կոչ անել քուրդ զինյալներին զենքը վայր դնել: Այդ մասին ասվել էր Թուրքիայում ընդդիմադիր համարվող «Ժողովուրդների հավասարության և ժողովրդավարության» (DEM) հայտարարության մեջ, որի պատվիրակությունը հանդիպել է Իմրալը կղզու բանտախցում քուրդ առաջնորդի հետ: