ԱՄՆ նախագահ Դոնալդ Թրամփը դեռ չի նախատեսում այցելել Մերձավոր Արևելք, թեև դիտարկում է նման շրջագայություն կազմակերպելու հնարավորությունը։ Այդ մասին նա հայտարարել է Սպիտակ տանը լրագրողների հետ զրույցում:
«Մենք մտածում ենք Մերձավոր Արեւելք գնալու մասին։ Բայց դեռ ոչ»,- ասել է Թրամփը։
Նա նաև հիշեցրել է, որ Իսրայելի և պաղեստինյան «ՀԱՄԱՍ» շարժման միջև վերջերս ձեռք բերված պայմանավորվածությունների շրջանակում Գազայի հատվածում հրադադար է հաստատվել և սկսվել է պատանդների ազատ արձակումը։ Թրամփն իր վրա է վերցրել համաձայնագրի միջնորդությունը: «Եթե ես այստեղ չլինեի, նրանք երբեք չէին գա: Նրանք բոլորը կմահանային»,-ասել է ամերիկացի առաջնորդը պատանդների մասին:
Բացի այդ, նա կարծիք է հայտնել, որ նախկին նախագահ Ջո Բայդենը ներգրավված չի եղել Մերձավոր Արևելքում համաձայնությունների ձեռքբերման մեջ։ «Բայց Բայդենը չէր կարող դրան հասնել»,-համոզված է Թրամփը։
Հետևեք մեզ տելեգրամում
