Կորոնավիրուսի պատճառով ծանր վիճակում գտնվող կինն առողջ երեխա է ունեցել

Իսրայելում կորոնավիրուսով վարակված և թոքերի արհեստական օդափոխության սարքին միացված հղի կինը կեսարյան հատման է ենթարկվել։

Իսրայելի Բնեյ Բրակ քաղաքում չորս երեխաներ ունեցող 26-ամյա հղի կնոջ մոտ մարտի վերջին կորոնավիրուս է հայտնբերվել։ «ՇԵբա» բժշկական կենտրոն տեղափոխված կինը սկսել է շնչահեղձ լինել և միացվել է արհեստական շնչառության սարքին։ Օրեր անց հիվանդի մոտ ծննդաբերության ցավեր են սկսվել և բժիշկները որոշում են կայացրել կեսարյան հատում իրականացնելու օգտին։

2․7 կգ․ քաշով ծնված տղայի մոտ կորոնավիրուսի թեստի արդյունքը բացասական է եղել։ Նա դեռևս չի հանդիպել մոր հետ, ով շարունակում է միացված մնալ թոքերի արհեստական օդափոխության սարքին։ Սակայն բժիշկների գնահատմամբ՝ նա առաջիկա շաբաթվա ընթացքում կապաքինվի և կկարողանա դուրս գրվել հիվանդանոցից։

Հավելենք, որ Իսրայելում կորոնավիրուսի հաստատված դեպքերի թիվը ապրիլի 13-ի դրությամբ կազմում է 10․878, վիրուսի պատճառով մահացածների թիվը՝ 103։