Վրաստանի խորհրդարանի խոսնակ Արչիլ Թալակվաձեն մանրամասներ է հրապարակել ՀՀ խորհրդարանի նախագահ Արարատ Միրզոյանի հետ կայացած հեռախոսազրույցի վերաբերյալ։
Facebook-ի իր էջում թեմային անդրադարձած Թալակվաձեն հայտնել է, որ հեռախոազրույցի ընթացքում քննարկվել են կորոնավիրուսի դեմ պայարի շրջանակներում առկա հիմնական կարիքներն ու ձեռնարկվող միջոցառումները։ Քննարկվել են նաև համավարակի պատճառով առաջացած տնտեսական մարտահրավերները։
Կողմերը ստեղծված իրավիճակում միմյանց աջակցելու պատրաստակամություն են հայտնել։ Թալակվաձեն առողջություն է մաղթել Հայաստանին և հայ ազգին։
Երևանի և Թբիլիսիի միջև արդեն իսկ սերտ համագործակցություն է հաստատվել։ Այդ համագործակցության շրջանակներում Հայաստանին հաջողվել է փակ սահմանների պայմաններում ապահովել իր քաղաքացիների վերադարձը Վրաստանից։
Նշենք, որ կորոնավիրուսի դեմ պայքարի շրջանակներում թե Հայաստանում, թե Վրաստանում հայտարարված արտակարգ դրության ռեժիմի ժամկետը երկարացվել է։
Հետևեք մեզ տելեգրամում
