Պատժամիջոցները հիմնականում խոչընդոտ են այլ երկրների համար՝ Իրանի հետ համագործակցելու առումով: Անհրաժեշտ է ստեղծել պայմաններ, որպեսզի այդ խոչընդոտները վերացվեն։ Այս մասին հայտարարել է Իրանի նախկին արտգործնախարար, Իրանի նախագահի ռազմավարական հարցերով նախկին տեղակալ Ջավադ Զարիֆը՝ Etemad օրաթերթին տված հարցազրույցում:
«ԱՄՆ-ն մեծ ուժ ունի, բայց ամենակարող չէ։ Բացի այդ, մենք նույնպես դերակատար ենք»,- ասել է Զարիֆը՝ հավելելով, որ Իրանը պետք է ակտիվ խաղացող լինի և չպետք է դառնա ուրիշների գործարքների առարկա։
Նախկին խորհրդականը հավելել է, որ մինչ այժմ Իրանը հաջողությամբ պահպանել է իր տարածքային ամբողջականությունը, իսկ միջազգային ասպարեզում նրան հեշտությամբ չեզոքացնել հնարավոր չէ։ Միևնույն ժամանակ, երկրի ներսում անհրաժեշտ է կառուցել հույս, խուսափելով ներքաղաքական խաղերի միջոցով հասարակության հուսահատեցումից։
«Երբ Դավոսում էի, ասում էին՝ «Թրամփին լուրջ վերաբերվեք, բայց բառացիորեն մի մտածեք, թե ինչ որ ասում է, պարտադիր կկատարվի»։ Դա ասում էին հենց արևմտյան դերակատարները Դավոսում»,- շարունակել է Զարիֆը:
Ավելի վաղ հաղորդել էինք, որ Մոհամմադ Ջավադ Զարիֆը հրաժարական է տվել Իրանի նախագահի ռազմավարական հարցերով տեղակալի պաշտոնից՝ հայտարարելով, որ վերջին ամիսներին ենթարկվել է ճնշումների, վիրավորանքների և զրպարտությունների։
Հետևեք մեզ տելեգրամում
