Մարտի 5-ին Ադրբեջանի նախագահ Իլհամ Ալիևն այցելել է Թուրքիա։ Թուրքիայի և Ադրբեջանի նախագահներն առցանց հետևել են Իգդիր- Նախիջևան գազատարի բացման արարողությանը։ Տեղի ունեցած մամուլի ասուլիսի ընթացքում Թուրքիայի նախագահ Ռեջեթ Թայիփ Էրդողանը նշել է․
«Անկասկած է, մեր այս համագործակցության մեջ առաջնային դիրքում է էներգետիկայի ոլորտը, որտեղ մի շարք նախագծեր ենք իրականացրել։ Էներգետիկայի ոլորտում մեր համագործակցությունը զարգացրել ենք Բաքու-Թբիլիսի-Ջեյհան խողովակաշարի, Շահդենիզ հանքավայրի, Բաքու-Թբիլիսի-Էրզրում գազատարի շահագործմամբ, ինչը շատերը երազանք էին համարում։ Ուրախ ենք, որ TANAP գազատարի միջոցով ադրբեջանական գազը նշանակալի ծավալով Եվրոպա ենք հասցնում։ Այս ոլորտում ռազմավարական և բեկումնային նախագծեր իրագործելու հարցում Ադրբեջանի հետ լիովին ներդաշնակ ենք»։
Ըստ Էրդողանի՝ BOTAŞ-ի կողմից կառուցված գազատարը, որն ունի 80 կմ երկարության և օրական մինչև 2մլն խորանարդ թողունակություն, ամբողջովին կապահովի Նախիջևանի գազի պահանջարկը։ Էրդողանը պնդմամբ, Իգդիր- Նախիջևան գազատարը, որի բացումը կլինի քիչ հետո, կամբողջացնի նախորդիվ եղած ռազմավարական նախաձեռնությունները։
Անդրադառնալով տարածաշրջանին, Էրդողանը նշել է․
«Մենք մեր տարածաշրջանում միայն խաղաղություն, համագործակցություն ենք ուզում։ Ցանկանում ենք, որ բոլորս միասին զարգանանք։ Այս նպատակով ցայսօր բազմաթիվ քայլեր ենք արել, ցույց ենք տվել մեր անկեղծությունը։ Այսուհետև էլ վճռական ենք տարածաշրջանային խաղաղությանը, բարօրությանը և հանգստությանն ուղղված ամեն տեսակ նախագիծ կյանքի կոչել։ Ինչպես Ադրբեջանն է մեր կողքին եղել մեր ծանր օրերին, մասնավորապես փետրվարի 6-ին տեղի ունեցած երկրաշարժի ժամանակ, այնպես էլ մենք ամեն պահ, երբ մեր եղբայրներն անհրաժեշտությունն զգան, լինելու ենք նրանց կողքին։ Աստծո կամքով, Նախիջևանի հետ էլեկտրաէներգիայի կապերն ամրապնդելով այս գործընթացը կշարունակենք»։
Հետևեք մեզ տելեգրամում
