Իսրայելում ևս 9 մարդ է մահացել կորոնավիրուսից։ Երկրում համավարակի պատճառով գրանցված մահվան դեպքերի թիվը հասել է 140-ի։
Երկրի առողջապահության նախարարության հրապարակած տվյալների համաձայն՝ վերջին օրվա ընթացքում գրանցվել է կորոնավիրուսով վարակվածության 90 նոր դեպք, վարակվածների ընդհանուր թիվը կազմել է 12․591։
Հայտնի է նաև, որ մինչ օրս այս վիրուսից Իսրայելում բուժվել է 2․624 մարդ, այս պահին ծանր վիճակում է գտնվում 174-ը։
Երկրում համավարակի դեմ պայքարի շրջանակներում փակ են դպրոցները, ինչպես նաև՝ բոլոր տեսակի առևտրաֆինանսական հաստատությունները՝ բացառությամբ սննդամթերքի խանութների, դեղատների, բանկերի և հեղուկ վառելիքի վաճառքի կետերի։
Իսրայելի իշխանություններն արգելել են այլ երկրների քաղաքացիների մուտքը երկիր։
Հետևեք մեզ տելեգրամում
