Վրաստանում կորոնավիրուսի տարածման դեմ նոր միջոցառումների շրջանակներու արգելվել է նաև թեթև մարդատար մեքենաների երթևեկությունը։
«Ապրիլի 17-ի ժամը 12:00-ից մինչև ապրիլի 21-ը ներառյալ, երկրում ամբողջովին արգելվում է թեթև ավտոմեքենաներով տեղաշարժը»,- հայտարարել է Վրաստանի վարչապետի մամլո խոսնակ Իրակլի Չիքովանին:
Չիքովանիի խոսքով, սահմանափակումը չի վերաբերում բեռնափոխադրումներին և մատակարարող մեքենաներին:
«Ընդգծում եմ, որ սննդամթերքի խանութները, դեղատները և այլ օբյեկտները, որոնք մինչ այժմ աշխատում էին, կշարունակեն աշխատանքը, շարունակում են աշխատանքը նաև առաքման ծառայությունները»,- հայտարարել է Իրակլի Չիքովանին:
Բացի այդ, ապրիլի 17-ից Վրաստանում պարտադիր է դառնում բժշկական դիմակներ կրելը փակ տարածքում:
Հետևեք մեզ տելեգրամում
