Ամերիկյան և ուկրաինական պատվիրակությունները Սաուդյան Արաբիայի մայրաքաղաքում ավարտել են Ուկրաինայում հրադադարի պարամետրերի շուրջ բանակցությունները։ Այս մասին հայտնել է Ուկրաինայի պաշտպանության նախարար Ռուստեմ Ումերովը, ով մասնակցել է խորհրդակցություններին։
«Մենք ավարտեցինք մեր հանդիպումը ամերիկյան թիմի հետ: Քննարկումն արդյունավետ էր և կենտրոնացված. մենք շոշափեցինք առանցքային հարցեր, այդ թվում՝ էներգետիկան»,-X-ում գրել է նա: Քննարկումը տևել է մոտ հինգ ժամ՝ ընդմիջումով։
Մինչ բանակցությունների մեկնարկը Ումերովը հայտնել է, որ ուկրաինական պատվիրակության կազմում ընդգրկված են էներգետիկայի ոլորտի փորձագետներ, ինչպես նաև ռազմածովային և օդային ուժերի ներկայացուցիչներ:
Ավելի վաղ ՌԴ նախագահի օգնական Յուրի Ուշակովը հայտնել էր, որ մարտի 24-ին Էր Ռիադում Ուկրաինայի հարցով խորհրդակցություններ կանցկացվեն ռուս և ամերիկացի փորձագետների միջև: Քննարկելու էին Սևծովյան հացահատիկի նախաձեռնությունը:
Հետևեք մեզ տելեգրամում
