Վրաստանում ապրիլի 19-ի ժամը 21:30-ի դրությամբ կորոնավիրուսից բուժվածների թիվը ավելացել է ևս 7-ով՝ հասնելով 93-ի: Այս մասին տեղեկություն է հրապարակվել Վրաստանի կառավարության կողմից ստեղծված հատուկ Stopcov.ge կայքէջում:
Գրանցվել է վարակման ևս 9 դեպք։ Այդ պահի դրությամբ վարակման դեպքերի թիվը կազմում է 394 (302 ակտիվ):
Վրաստանում կորոնավիրուսից մահացել է 4 մարդ: Կարանտինային գոտում է գտնվում 5094 քաղաքացի: Հատուկ ստացիոնար վերահսկողության տակ է 547 հիվանդ։
Արտերկրից կորոնավիրուսով վարակված Վրաստանի 3 քաղաքացի է տեղափոխվել հայրենիք բուժման նպատակով:
Ընդհանուր հաշվարկով Վրաստանի տարբեր շրջաններում գործող կլինիկաներում այս պահին կորոնավիրուսից բուժվում է 300 հիվանդ:
Հետևեք մեզ տելեգրամում
