Այսօր՝ մարտի 28-ին Իսրայելի ռազմաօդային ուժերը հարվածել է Լիբանանի մայրաքաղաք Բերյութի հարավային արվարձաններին՝ առաջին անգամ կրակ բացելով կողմերի միջև նոյեմբերին հաստատված հրադադարից հետո:
Հարվածից հետո Իսրայելի բանակը հայտարարել է, որ թիրախավորել է Հեզբոլլահին պատկանող դրոնների պահեստն՝ ի պատասխան օրեր առաջ Լիբանանից Իսրայելի տարածք արձակված երկու հրթիռների: Բացի այդ, Իսրայելը Հեզբոլլահին մեղադրել է քաղաքացիական բնակչությանը որպես «կենդանի վահան» օգտագործելու մեջ։
Սակայն ուշագրավ է, որ Հեզբոլլահը հերքել է Իսրայելի ուղղությամբ հրթիռներ արձակելու լուրերը՝ միևնույն ժամանակ Իսրայելին մեղադրելով Լիբանանի դեմ ագրեսիան շարունակելու պատրվակ ստեղծելու մեջ։
Նշենք, որ մինչ հարվածը, Իսրայելի բանակը զգուշացրել էր Բեյրութի վերոնշյալ արվարձանում բնակվող մարդկանց՝ շտապ լքել շինությունները։ Այս նախազգուշացումը խուճապ է առաջացրել բնակիչների շրջանում․ ծնողները շտապել են դպրոցներ, որպեսզի երեխաներին անվտանգ վայր տեղափոխեն։
Հետևեք մեզ տելեգրամում
