Ատոմային էներգիայի միջազգային գործակալության գլխավոր տնօրեն Ռաֆայել Գրոսին հեռախոսազրույց է ունեցել Իրանի արտաքին գործերի նախարար Աբբաս Արաղչիի հետ։ Կողմերը քննարկել են Իրանի և գործակալության համագործակցության վերջին զարգացումները։
Իրանի արտգործնախարարը հեռախոսազրույցի ընթացքում գլխավոր տնօրենին ներկայացրել է Իրանի միջուկային ծրագրի շուրջ տեղի ունեցած վերջին իրադարձություններն ու դիվանագիտական քննարկումները։ Արաղչին ընդգծել է, որ Ատոմային էներգիայի միջազգային գործակալությունը պետք է հստակ դիրքորոշում որդեգրի Իրանի խաղաղ միջուկային օբյեկտների դեմ ուղղված սպառնալիքների հարցում։ Նա նշել է, որ այս սպառնալիքների շարունակականության պայմաններում Իրանը կընդունի անհրաժեշտ բոլոր միջոցներն՝ իր միջուկային ծրագրի պաշտպանության համար։
Գրոսին իր հերթին նշել է, որ կշարունակի խորհրդակցություններ անցկացնել մյուս կողմերի հետ՝ նպաստելու առկա հարցերի լուծման համար համապատասխան պայմանների ստեղծմանը։ Նա Իրան այցելելու ցանկություն է հայտնել, ինչը սկզբունքորեն ընդունվել է Իրանի արտգործնախարարի կողմից։
Հետևեք մեզ տելեգրամում
