ԱՄՆ իշխանությունները ստուգումներ կանցկացնեն օտարերկրյա ուսանողների և գրին քարտի համար դիմողների սոցիալական ցանցերում՝ հրեաների նկատմամբ թշնամանքի դրսևորումները պարզելու համար։ Այս մասին չորեքշաբթի հայտնել է ԱՄՆ քաղաքացիության և ներգաղթի ծառայությունները (USCIS):
«Այսօր ԱՄՆ քաղաքացիության և ներգաղթի ծառայությունները կսկսեն դիտարկել սոցիալական ցանցերում օտարերկրացիների հակասեմական ակտիվությունը և հրեաների ֆիզիկական հետապնդումները՝ որպես ներգաղթի արտոնությունների խնդրանքը մերժելու հիմք: Դա անմիջապես կանդրադառնա օրինական մշտական բնակության կարգավիճակ ստանալու համար դիմող օտարերկրացիների, օտարերկրյա ուսանողների և կրթական հաստատություններ ընդունված այլ քաղաքացիների վրա»,-ասվում է հայտարարության մեջ:
Մարտի կեսերին ԱՄՆ կրթության նախարարությունը 60 ամերիկյան համալսարանների նախազգուշացրեց հետևանքների մասին, եթե նրանք չապահովեն հրեա ուսանողների պաշտպանությունը բողոքի ցույցերից։
Հետևեք մեզ տելեգրամում
