Թուրքիայի խորհրդարանի նախագահ Նուման Քուրթուլմուշը կոչ է արել պետական կառույցներին և հանրությանը նախապատրաստվե; նոր երկրաշարժի: Նման հայտարարություն է արել Քուրթուլմուշը Ստամբուլում այսօր տեղի ունեցած ուժգին երկարաշարժից հետո:
«Ստամբուլում սպասվող երկրաշարժն արդեն շեմին է։ «Մեր հաստատությունները, մեր ազգը, բոլորս պետք է պատրաստ լինենք հնարավոր երկրաշարժը նվազագույն կորուստներով հաղթահարելու», – ասել է Քուրթուլմուշը։
Հիշեցնենք, որ Թուրքիայի «Աղետների և արտակարգ իրավիճակների վարչության» (AFAD) փոխանցմամբ՝ Ստամբուլում 6.2 մագնիտուդ ուժգնությամբ երկրաշարժ էր գրանցվել: Նշվել էր, որ էպիկենտրոնը եղել է Սիլիվրի քաղաքում, 6.92 կմ խորության վրա: Երկրաշարժից ցնցվել են նաև հարակից շրջանները, այդ թվում՝ Բուրսան, Յալովան և Թեքիրդաղը:
Հետևեք մեզ տելեգրամում
