Իրանի նախագահ Մասուդ Փեզեշքիանը ժամանել է Ադրբեջան։ Նրան դիմավորել են Ադրբեջանի փոխվարչապետ Յաղուբ Էյուբովը և ԱԳ փոխնախարար Սամիր Շարիֆովը։
Հաղորդվել է, որ կանցկացվի պաշտոնական ընդունելություն, որին կհետևեն երկու երկրների նախագահների առանձնազրույցը և պատվիրակությունների համատեղ նիստը։ Այցի ընթացքում նախատեսված է ստորագրել համագործակցության փաստաթղթեր, ինչից հետո Մասուդ Փեզեշքիանն և Իլհամ Ալիևը հանդես կգան համատեղ մամուլի ասուլիսով։
Իրանի նախագահ Մասուդ Փեզեշքիանն Ադրբեջան մեկնելուց առաջ նշել է, որ այցը տեղի է ունենում Ադրբեջանի նախագահի պաշտոնական հրավերով: Փեզեշքիանը նշել է, որ կա լավ հնարավորություն տնտեսական, գիտական և առևտրային համագործակցության համար, և կողմերը կքննարկեն նաև Իրանի, Ադրբեջանի և Ռուսաստանի միջև տարանցիկ ուղիների հարցը։ Իրանի նախագահը հավելել է, որ այցի ընթացքում իրանցի գործարարներն ու գիտնականները հանդիպելու են ադրբեջանցի գործընկերներին՝ կապերն ամրապնդելու նպատակով։
Հետևեք մեզ տելեգրամում
