Իսրայելի ռազմաքաղաքական կաբինետը երկուշաբթի գիշերը հաստատել է Գազայի հատվածում ռազմական գործողությունների ընդլայնման ծրագրերը, որոնք ներառում են պաղեստինյան անկլավը գրավելու հնարավորությունը։ Այս մասին հաղորդում է Ynet պորտալը՝ հղում անելով քաղաքական համակարգում ունեցած աղբյուրին։
Աղբյուրի խոսքով՝ ծրագիրը, ի թիվս այլ բաների, կներառի Գազայի հատվածի օկուպացիան և տարածքը պահելը, անկլավի բնակչությանը պաշտպանելու համար հարավ տեղափոխելը,«ՀԱՄԱՍ» շարժմանը մարդասիրական օգնություն բաշխելու հնարավորությունից զրկելը և շարժման վրա հզոր հարձակումներ իրականացնելը։
«Ռազմաքաղաքական կաբինետը միաձայն հաստատել է Գլխավոր շտաբի պետի կողմից ներկայացված օպերատիվ պլանը՝ Գազայում «ՀԱՄԱՍ»-ի լիակատար վերացման և իսրայելցի պատանդների գերությունից վերադարձման համար»,-Telegram-ում գրել է Իսրայելի վարչապետի գրասենյակի խորհրդական Դմիտրի Գենդելմանը՝ նշելով, որ «պլանը լիովին համապատասխանում է վարչապետ Բենյամին Նեթանյահուի կողմից վերջին ամիսներին հնչեցված նպատակներին»։
Հետևեք մեզ տելեգրամում
