Թուրքիայի արտաքին գործերի նախարարությունը հետևում է Պակիստանի և Հնդկաստանի միջև ընթացող զարգացումներին՝ կողմերին հորդորելով գործել ողջախոհությամբ և խուսափել միակողմանի գործողություններից։ Այս մասին նշվել է Թուրքիայի ԱԳՆ-ի տարածած հայտարարության մեջ:
«Երեկ երեկոյան Հնդկաստանի կողմից իրականացված հարձակումն ընդգրկուն պատերազմի վտանգ է ստեղծել։ Մենք դատապարտում ենք նման սադրիչ քայլերն ու քաղաքացիական բնակչությանն ու ենթակառուցվածքներին ուղղված հարձակումները», – ասված է հայտարարության մեջ, որտեղ նշվում է նաև, որ աջակցում են Պակիստանի՝ ապրիլի 22-ին տեղի ունեցած ահաբեկչական հարձակման հետաքննության կոչին։
Հայտարարության ավարտին նշվում է․ «Հուսով ենք, որ կձեռնարկվեն անհրաժեշտ քայլեր տարածաշրջանում լարվածությունը հնարավորինս շուտ նվազեցնելու համար, և կստեղծվեն անհրաժեշտ մեխանիզմներ՝ այդ թվում ահաբեկչության դեմ պայքարի ոլորտում՝ նման դեպքերի կրկնությունը կանխելու նպատակով»։
Հետևեք մեզ տելեգրամում
