Սահակաշվիլիին Վրաստան է ուղարկել ուկրաինական հետախուզությունը․ Պապուաշվիլի

Ուկրաինայի հետախուզական ծառայությունը նախկին նախագահ Միխեիլ Սաակաշվիլիին 2021 թվականի տեղական ինքնակառավարման մարմինների ընտրություններից երկու օր առաջ ուղարկել էր Վրաստան՝ հեղափոխություն իրականացնելու համար։ Նման հայտարարություն է արել Վրաստանի խորհրդարանի խոսնակ Շալվա Պապուաշվիլին՝ ներկայացնելով օրենսդիր մարմնի 2024 թվականի կատարած աշխատանքի մասին զեկույցը։

«Ընտրություններից երկու օր առաջ Ուկրաինայի ռազմական հետախուզությունը գաղտնի կերպով երկիր ուղարկեց Միխայիլ Սահակաշվիլիին՝ թթվասերի տարայի մեջ։ Այդ սցենարով ընտրությունների արդյունքների հրապարակումից հետո հեղափոխական գործընթացներ պետք է մեկնարկեին։ Փաստերի ժամանակագրության համար անհրաժեշտ է նաև ասել, որ արտասահմանյան հետախուզական ծառայությունների օգնությամբ Վրաստան գաղտնի ժամանելուց մի քանի օր առաջ Սաակաշվիլին զբոսնում էր Բրյուսելի միջանցքներով և հանդիպումներ անցկացնում»,-ասել է Պապուաշվիլին։

Նրա խոսքով՝ հեղափոխության այս փորձը ձախողվեց, և վրացական հատուկ ծառայությունները ընտրություններից մեկ օր առաջ ձերբակալեցին Սաակաշվիլիին։