Մերձավորարևելյան շրջագայության նպատակը ԱՄՆ տնտեսությունում ներդրումներ ունենալն էր․ Թրամփ

ԱՄՆ նախագահ Դոնալդ Թրամփը հայտարարել է, որ Սաուդյան Արաբիա, Կատար և Արաբական Միացյալ Էմիրություններ (ԱՄԷ) կատարած իր այցերի արդյունքում ձեռք են բերվել ամերիկյան տնտեսությունում 12-13 տրիլիոն դոլարի ներդրումների վերաբերյալ համաձայնություններ։

«Նման բան երբեք տեղի չի ունեցել ԱՄՆ-ի հետ։ Տրիլիոնավոր ներդրումներ։ Մենք համաձայնության ենք եկել մոտ 12-13 տրիլիոն դոլարի շուրջ։ Մենք հասել ենք 12-13 տրիլիոն դոլարի մակարդակին արդեն հայտնի նախագծերի շնորհիվ, որոնցից մի քանիսի մասին կհայտարարենք շատ մոտ ապագայում»,-ասել է Թրամփը Աբու Դաբիում ԱՄՆ-ի և ԱՄԷ-ի գործարար ներկայացուցիչների հանդիպման ժամանակ, որին մասնակցել է նաև Աբու Դաբիի էմիրության թագաժառանգ շեյխ Խալեդ բին Մուհամմեդ ալ-Նահյանը։