Արա Գյուլերի կյանքի մասին թուրք-հայկական համատեղ ֆիլմ է նկարահանվելու

Պոլսահայ անվանի լուսանկարիչ Արա Գյուլերի կյանքի մասին թուրք-հայկական համատեղ ֆիլմ է նկարահանվելու։

Ծրագիրը պատրաստվում է «Քարա քեդի ֆիլմ»-ի և «Լույս» մեդիայի համագործակցությամբ։ Հայաստանում գործընկերներն են «Անսո ֆիլմ»-ը և պրոդյուսերներ Անի Գալստյանն ու Հովհաննես Գալստյանը։ Ֆիլմի ռեժիսորներն ու սցենարիստներն են Էլա Ալյամաչը և Արեն Փերդեջին։

Ֆիլմը լինելու է Թուրքիայի և Հայաստանի միջև առաջին համատեղ լիամետրաժ ֆիլմարտադրանքը և ներկայացվելու է Կաննի կինոփառատոնին՝ Marche du Film բաժնում։ Ծրագրին աջակցում են նաև Թուրքիայի մշակույթի և տուրիզմի նախարարության Կինոյի գլխավոր վարչությունն ու TRT-ի 12 Punto հարթակը։

Սցենարի մշակման և արխիվային աշխատանքները տարվել են Doğuş հոլդինգին կից «Արա Գյուլերի արխիվի և ուսումնասիրության» կենտրոնում։