Իսրայելցի պատգամավորները չեն աջակցել խորհրդարանը լուծարելու օրինագիծը, և այն մերժվեց։
N12 հեռուստաալիքը հայտնում է, որ օրինագծին աջակցել է 53 պատգամավոր, դեմ քվերակել 61-ը։
Խորհրդարանական ընդդիմության առաջնորդ, «Յեշ Ատիդ» կուսակցության ղեկավար Յաիր Լապիդը լիագումար նիստում հայտարարել է, որ երկրի կառավարությունը դավաճանել է Իսրայելի պաշտպանության բանակի մարտիկների շահերը՝ կոալիցիայի գոյությունը երկու-երեք շաբաթով երկարաձգելու համար։
«Իսրայելի կառավարությունը կրկին թքեց Իսրայելի պաշտպանության բանակի մարտիկների դեմքին»,-X-ում գրել է քաղաքական գործիչը:
Նշենք, որ Իսրայելի խորհրդարանում իշխող կոալիցիան ներկայումս մեծամասնություն է կազմում։ Այն ներառում է վարչապետ Բենյամին Նեթանյահուի գլխավորած աջակողմյան «Լիքուդ» կուսակցությունը և մի շարք ծայրահեղ աջ ու ծայրահեղ կրոնական քաղաքական ուժեր։
Վերջին շաբաթներին կոալիցիան պառակտման եզրին էր: «Լիքուդ» կուսակցության և ուլտրաուղղափառների միջև տարաձայնություն է կրոնական դպրոցների աշակերտների զորակոչի հարցի շուրջ: Նրանք այժմ գործնականում ազատված են զինվորական ծառայությունից, սակայն շարունակվող ռազմական գործողությունների համատեքստում բանակի ղեկավարությունը և աշխարհիկ կուսակցությունները վաղուց պահանջում են, որ ուղղափառ հրեաները զորակոչվեն բանակ: Իրենց հերթին, կրոնական կուսակցությունները պնդում են այնպիսի օրինագծի ընդունման վրա, որը կերաշխավորի նման հաստատությունների ուսանողների համար զինվորական ծառայությունից ազատում:
Հետևեք մեզ տելեգրամում
