Վաշինգտոնի վարչակազմի՝ Իրաքում ամերիկյան դեսպանատան որոշ աշխատակիցների և Մերձավոր Արևելքից զինծառայողների ընտանիքների անդամներին ԱՄՆ վերադարձնելու որոշումը պայմանավորված է հնարավոր վտանգով։ Այս մասին հայտարարել է ԱՄՆ նախագահ Դոնալդ Թրամփը։
«Նրանց դուրս են բերում, քանի որ այս վայրը կարող է վտանգավոր լինել։ Կտեսնենք, թե ինչ կլինի»,-ասել է նա:
Խոսելով Իրանի մասին՝ ԱՄՆ ղեկավարը շեշտել է,որ թույլ չեն տա, որ նրանք ձեռք բերեն միջուկային զենք։
«Ամեն ինչ շատ պարզ է։ Մենք չենք կարող թույլ տալ նրանց ձեռք բերել միջուկային զենք։ Մենք դա թույլ չենք տա»,-ասել է Թրամփը:
Ավելի վաղ ԱՄՆ ռազմական պաշտոնյան ՏԱՍՍ-ին հայտնել էր, որ պաշտպանության նախարար Փիթ Հեգսեթը թույլատրել է ամերիկացի զինծառայողների ընտանիքների անդամների «կամավոր մեկնումը» Մերձավոր Արևելքից՝ անվտանգության նկատառումներից ելնելով: Իր հերթին, Պետքարտուղարությունը հայտարարել է, որ Իրաքում ԱՄՆ դեսպանատան որոշ աշխատակիցներին հրամայել է լքել երկիրը՝ «տարածաշրջանում լարվածության աճի» պատճառով:
Հետևեք մեզ տելեգրամում
