Վրաստանի անդամակցությունը Եվրամիությանը մնում է վրացական իշխանությունների գլխավոր նպատակը, և այս ճանապարհին կարևոր քայլ է Թբիլիսիի հարաբերությունների վերագործարկումը Բրյուսելի հետ, հայտարարել է Վրաստանի վարչապետ Իրակլի Կոբախիձեն։
«Մեր խնդիրը ակնհայտ և հստակ է։ Մեր վերջնական նպատակը Վրաստանի անդամակցությունն է ԵՄ-ին։ Մենք կարծում ենք, որ մինչև 2030 թվականը Վրաստանը առավելագույնս պատրաստ կլինի ԵՄ անդամակցությանը, և, իհարկե, կարևոր է նաև վերագործարկել մեր հարաբերությունները այստեղ»,-ասել է Կոբախիձեն՝ ընդգծելով, որ Վրաստանի իշխանությունները ջանք չեն խնայի, իսկ մնացած ամեն ինչ կախված կլինի եվրոպական կառույցների մոտեցումից։
Հիշեցնենք, որ 2024թ. նոյեմբերի 28-ին Վրաստանի իշխանությունները հայտարարեցին մինչև 2028 թվականը երկրի ԵՄ-ին անդամակցության բանակցությունների մեկնարկը օրակարգից հանելու որոշման մասին։ Ի պատասխան՝ Արևմուտքը Վրաստանի իշխանություններին մեղադրում է ժողովրդավարությունը հետ մղելու մեջ և կոչ է անում անհապաղ վերադառնալ ԵՄ ուղուն։
Հետևեք մեզ տելեգրամում
