Իրանի արտաքին գործերի նախարար Աբբաս Արաղչին Իրանի պետական հեռուստատեսությանը հայտարարել է, որ Թեհրանը բանակցություններ չի վարի «որևէ կողմի հետ», մինչև Իսրայելը չդադարեցնի Իսլամական Հանրապետությանը հարվածելը։
Արաղչին այսօր ավելի ուշ Ժնևում կհանդիպի Գերմանիայի, Ֆրանսիայի և Մեծ Բրիտանիայի արտաքին գործերի նախարարների հետ՝ լարվածության թուլացման հարցը քննարկելու համար։
Նա նաև պնդում է, որ ԱՄՆ-ն ցանկանում է վերադառնալ բանակցությունների սեղանի շուրջ՝ Իրանի միջուկային ծրագիրը քննարկելու համար, սակայն Թեհրանը մերժել է խնդրանքը։
«Մինչև Իսրայելի ագրեսիան չդադարի, ԱՄՆ-ի հետ բանակցությունների տեղ չկա»,-ասել է Արաղչին՝ ԱՄՆ-ին մեղադրելով «Իրանի դեմ Իսրայելի հանցագործության գործընկեր լինելու» մեջ։
Հետևեք մեզ տելեգրամում
