ԱՄՆ նախագահ Դոնալդ Թրամփը օգոստոսի 8-ին Սպիտակ տանը Հայաստանի և Ադրբեջանի ղեկավարներին հյուրընկալելիս կփորձի միջնորդել երկու երկրի միջև խաղաղության համաձայնագրի կնքմանը: Այս մասին գրում է Washington Post-ը:
Սպիտակ տան պաշտոնյաներից մեկը, ով խոսել է անանունության պայմանով, ասել է, որ հնարավոր է, որ Ադրբեջանի և Հայաստանի միջև խաղաղության համաձայնագրի մասին հայտարարվի, երբ երկրների առաջնորդները հանդիպեն նախագահ Թրամփի հետ։
Հիշենցնենք, որ Հայաստանի Հանրապետության վարչապետ Նիկոլ Փաշինյանը oգոստոսի 7-8-ին այց կկատարի Ամերիկայի Միացյալ Նահանգներ։ ՀՀ վարչապետի աշխատակազմից հայտնում են, որ Վաշինգտոնում վարչապետ Փաշինյանը երկկողմ հանդիպում կունենա Ամերիկայի Միացյալ Նահանգների նախագահ Դոնալդ Ջ. Թրամփի հետ՝ Հայաստան-ԱՄՆ ռազմավարական գործընկերությունը խորացնելու նպատակով, ինչպես նաև եռակողմ հանդիպում՝ ԱՄՆ նախագահ Դոնալդ Ջ. Թրամփի և Ադրբեջանի նախագահ Իլհամ Ալիևի հետ՝ միտված տարածաշրջանում խաղաղության, բարօրության և տնտեսական համագործակցության առաջմղմանը։
Հետևեք մեզ տելեգրամում
