Միացյալ Նահանգները Սիրիայի նոր իշխանություններին առաջարկել է օգնություն սոցիալ-տնտեսական վերականգնման գործում՝ պայմանով, որ Դամասկոսը փոխի իր կուրսը էթնիկ և կրոնական փոքրամասնությունների նկատմամբ։ Նախաձեռնությունը առաջարկվել է Սիրիայի, ԱՄՆ-ի և Հորդանանի ներկայացուցիչների եռակողմ հանդիպման ժամանակ, որը տեղի է ունեցել օգոստոսի 12-ին Ամմանում, հաղորդում է էմիրաթական The National թերթը՝ հղում անելով աղբյուրներին։
«Ամերիկյան գաղափարն այն է, որ ստեղծվի պետությունների խումբ, որը կնպաստի Դամասկոսի կուրսի փոփոխությանը։ Ոչ ոք չի ցանկանում Սիրիայում հետագա անկայունություն, նույնիսկ Իսրայելը»,-ասել է կայքի աղբյուրներից մեկը։
Ըստ The National-ի՝ ԱՄՆ-ն առաջարկում է ավելի ներառական մոտեցում Արաբական Հանրապետության կառավարության և անվտանգության մարմինների ձևավորման հարցում: Վաշինգտոնը ակնկալում է, որ Սիրիայի ղեկավարությունը կբացառի զինյալներին անվտանգության ուժերից, կսահմանափակի զինված խմբավորումների գործունեությունը և կառավարական պաշտոններում նախկին դաշտային հրամանատարներին կփոխարինի պրոֆեսիոնալ ղեկավարներով: Բացի այդ, ամերիկյան կողմը պահանջում է Դամասկոսին ենթակա ստորաբաժանումների դուրսբերումը Աս-Սուվեյդա հարավային նահանգից, որը դեռևս շրջափակված է նրանց կողմից, որտեղ անցյալ ամիս տեղի են ունեցել բեդվինների և դրուզների միջև բախումներ: Աղբյուրների համաձայն՝ տեղի բնակչությանը բնականոն կյանքին վերադառնալու հնարավորություն տալը դարձել է ԱՄՆ հիմնական պահանջներից մեկը:
Հետևեք մեզ տելեգրամում
