Թուրքիայում իշխող «Արդարություն և զարգացում» կուսակցության (ԱԶԿ-AKP) խոսնակ Օմեր Չելիքը սոցցանցյան գրառմամբ անդրադարձել է երկրում գլխավոր ընդդմադիր ուժ համարվող «Ժողովրդահանրապետական» կուսակցության (ԺՀԿ-CHP) առաջնորդ Օզգյուր Օզելի խոսքերին:
Նշելով, որ Օզելն ԱԶԿ-ին անվանել է «համակարգված չարիքի կազմակերպություն», ընդգծել է, որ կրկին Օզելը շփոթել է և իրենց ասել այն, ինչ իրականում բնութագրում է ԺՀԿ-ին:
«Օզգյուր Օզելը մեծ պոտենցիալ ունի շփոթելու քաղաքական հասցեները, հասկացություններն ու քաղաքական ցուցանակների տեղերը:
Նա մեր ԱԶԿ-ի հասցեին շփոթահար կիրառում է բոլոր այն սահմանումները, որոնք պետք է կիրառել ԺՀԿ-ի ղեկավարության համար»,-ասել է Չելիքը:
Բացի այդ, Չելիքն Օզելին խորհուրդ է տվել թարմացնել քաղաքական ուղղությունը, եթե իրապես ցանկանում է տեսնել, թե որտեղ են կազմակերպված չարիքները:
Հետևեք մեզ տելեգրամում
