Սեպտեմբերի 1-ին ԵԱՀԿ նախարարների խորհուրդը որոշում է կայացրել դադարեցնել Մինսկի գործընթացն ու դրա հետ կապված կառույցների գործունեությունը։ Այս մասին հայտարարություն է տարածել Ադրբեջանի արտգործնախարարությունը։
Հայաստանի և Ադրբեջանի արտգործնախարարների՝ ԵԱՀԿ գործող նախագահին ուղղված համատեղ դիմումի հիման վրա սեպտեմբերի 1-ից դադարեցվում են ԵԱՀԿ Մինսկի գործընթացի, ԵԱՀԿ գործող նախագահի անձնական ներկայացուցչի և պլանավորման բարձր մակարդակի խմբի աշխատանքները։
ԵԱՀԿ քարտուղարությանը հանձնարարվել է մինչև 2025թ․ դեկտեմբերի 1-ը ավարտել այդ կառույցների փակման հետ կապված վարչական ու տեխնիկական գործընթացները։
Որոշման մեջ նշվում է նաև, որ ԵԱՀԿ շրջանակներում նախկինում ընդունված բոլոր որոշումները, որոնք վերաբերում էին հայ-ադրբեջանական հակամարտությանը, այլևս ուժը կորցնում են և կիրառման ենթակա չեն։
Հետևեք մեզ տելեգրամում
