Wizz Air-ը հայտարարել է Քութայիսիից դեպի Վիեննա չվերթների դադարեցման մասին

Հունգարական «Wizz Air» ավիաընկերությունը հայտնում է, որ աստիճանաբար կդադարեցնի Քութայիսից դեպի Վիեննա չվերթները:

Wizz Air-ը Քութայիսիի օդանավակայանից Վիեննա թռիչքներ է իրականացնում շաբաթական չորս անգամ, իսկ նոյեմբերից՝ երեք անգամ։ Քութայիսի-Վիեննա չվերթների դադարեցման ճշգրիտ ժամկետը հայտնի չէ։ Ավիաընկերությունը հայտարարել է, որ Ավստրիայի մայրաքաղաք չվերթները կչեղարկվեն աստիճանաբար։

Ավիաընկերությունից հայտնել են, որ Վիեննայի բազայի փակումը տեղի կունենա երկու փուլով՝ մինչև 2025 թվականի հոկտեմբերի 26-ը և մինչև 2026 թվականի մարտի 15-ը։ Այս որոշման պատճառը բարձր վճարներն են։ Ուղևորները, եթե տոմս էին գնել այդ օրերի համար, որպես փոխհատուցում կստանան WIZZ բոնուսային միավորների կամ վերաամրագրման հնարավորություն։