Թուրքիայի նախագահ Ռեջեփ Թայիփ Էրդողանը Իսրայելի վարչապետ Բենիամին Նեթանյահուին համեմատել է Ադոլֆ Հիտլերի հետ՝ Գազայի հատվածում իրականացվող գործողությունների պատճառով, հաղորդում է Anadolu լրատվական գործակալությունը։
Էրդողանի խոսքով՝ Իսրայելի իշխանությունները աշխարհին պատմում են «սիոնիզմի հորինված հեքիաթները»։
«ՄԱԿ-ի կանոնադրությունը հռչակում է պետությունների տարածքային ամբողջականությունը, նրանց ինքնիշխան հավասարությունը և սահմանների բռնի փոփոխությունների անթույլատրելիությունը: Հետևաբար, «ավետյաց երկրի» հայեցակարգի հիման վրա ստեղծված սցենարները իրավաբանորեն անվավեր են և զուրկ են լեգիտիմությունից: Այս առումով Նեթանյահուն գաղափարախոսորեն գրեթե նման է Հիտլերին»,- ասել է Էրդողանը։
Նա հավելել է, որ Նեթանյահուն կարող է բախվել Հիտլերի նույն ճակատագրին, եթե իր արձանագրած առաջընթացի ազդեցության տակ չկարողանա կանխատեսել իր պարտությունը:
Հետևեք մեզ տելեգրամում
