Թուրքիայի արտաքին քաղաքական գերատեսչությունը կոշտ կերպով է արձագանքել Իսրայելի կողմից Գազայում սկսված ցամաքային գործողություններին։ Հայտարարության մեջ մասնավորապես նշվում է. «Իսրայելի կողմից Գազա քաղաքում ցամաքային գործողության մեկնարկը Նեթանյահուի կառավարության ցեղասպան ծրագրերի նոր փուլն է»։ Միջանկյալ նշենք, որ սեպտմբերի 16-ին Իսրայելի պաշտպանության բանակը (ԻՊԲ) ցամաքային հարձակում է սկսել Գազա քաղաքի վրա։
Շեշտվել է, որ ցամաքային գործողությունը, որը սկսվեց այն ժամանակ, երբ միջազգային հանրությունը շարունակում էր ջանքերը հրադադարի համաձայնագրի հասնելու համար, հնարավորություն կտար պատանդների և գերիների փոխանակում իրականացնել, ինչպես նաև հումանիտար օգնության անխափան հասանելիություն ապահովել։ Դա ևս մեկ անգամ ցույց տվեց, որ Իսրայելը չէր ցանկանում հրադադար հաստատել։
Հայտարարության մեջ նաև նշվել է, որ անհրաժեշտ է, որ միջազգային հանրությունը, մասնավորապես ՄԱԿ-ի Անվտանգության խորհուրդը, կատարեն իրենց պարտականությունները՝ Գազայում հրադադարն ապահովելու համար։ Ի հավելում նշվել է, որ Թուրքիան կշարունակի համագործակցությունը միջազգային իրավունքը հարգող երկրների հետ։
Հետևեք մեզ տելեգրամում
