Արցախի նախկին պետնախարար Ռուբեն Վարդանյանը Բաքվում կայացած դատական նիստում միջնորդություն է ներկայացրել ՀՀ վարչապետ Նիկոլ Փաշինյանին հարցաքննելու վերաբերյալ: Միջնորդությունը մերժվել է դատարանի կողմից, սակայն այն դեռևս կարող է վերանայվել, հայտնել են Բաքվի ռազմական դատարանից:
Վարդանյանը դիմել է դատարան՝ նշելով, որ ունի մի քանի միջնորդություններ։ Նա խնդրել է իր դեմ հարուցված քրեական գործով հարցաքննել մի շարք անձանց՝ ՀՀ վարչապետ Նիկոլ Փաշինյանին, ԵԱՀԿ Մինսկի խմբի անդամներին և Ադրբեջանում Կարմիր խաչի միջազգային կոմիտեի ներկայացուցիչներին: Վարդանյանի փաստաբան Աբրահամ Բերմանն ասել է, որ ինքը կողմ է այս միջնորդությանը։
Դատախազը, մեկնաբանելով միջնորդությունը, նշել է, որ վերոնշյալ անձինք կապ չունեն դատարանում քննվող մեղադրանքների հետ, ինչի կապակցությամբ դատախազները միջնորդությունը մերժելու խնդրանքով դիմել են դատավորին, որը բավարարվել է:
Դրանից հետո Վարդանյանը նոր միջնորդություն է ներկայացրել՝ նշելով, որ ինքը «զինվորական չէ» և, հետևաբար, «համաձայն չէ իր դեմ քրեական գործի՝ ռազմական դատարանում քննության հետ»։
Մեկնաբանելով միջնորդությունը՝ դատախազը նշել է, որ քանի որ մեղադրյալների դեմ առաջադրված «որոշ հանցագործություններ ռազմական հանցագործություններ են», նրա գործը քննվում է ռազմական դատարանում, և խնդրել է դատարանին մերժել միջնորդությունը։
Հետևեք մեզ տելեգրամում
