ՀՀ վարչապետ Նիկոլ Փաշինյանը հայտարարել է, որ ՀՀ կառավարության գերխնդիրն է հասնել Եվրամիության ստանդարտներին բոլոր բնագավառներում։ Ըստ Փաշինյանի՝ միաժամանակ իշխանությունը հասկանում է՝ դրանից հետո էլ Հայաստանը կարող է չդառնալ ԵՄ անդամ։
Այսօր Երևանում ընթացող «Ժողովրդավարության ֆորում» միջոցառման շրջանակում կազմակերպված պանելային քննարկման ժամանակ հայտարարել է ՀՀ վարչապետը։ Նա մասնավորապես նշել է.
«Մեր հիմնական խնդիրը ԵՄ ստանդարտներին համապատասխանելն է, որովհետև երբ որ մենք հասնենք այդ կետին, ընդունվենք՝ լավ, չընդունվեք՝ մենք մեր արդյունքը, մեր խնդիրը լուծել ենք, մենք մեր ստանդարտների հարցը լուծել ենք»։
Հետևեք մեզ տելեգրամում
