Լատվիայի արտաքին գործերի նախարար Բայբա Բրաժեն հայտնել է, ու Բալթյան երկրները մտադիր չեն մոտ ապագայում ճանաչել Պաղեստին պետությունը:
«Մեր երեք երկրները այն 36 պետությունների շարքում են, որոնք չեն ճանաչել Պաղեստինը, և մենք մոտ ապագայում մտադիր չենք դա անել, եթե էական փոփոխություններ տեղի չունենան»,- Վարշավայի անվտանգության ֆորումի շրջանակներում ասել է նախարարը։
Ավելի վաղ՝ Նյու Յորքում՝ ՄԱԿ-ի Գլխավոր Ասամբլեայի համաժողովում, Անդորրան, Բելգիան, Լյուքսեմբուրգը, Մալթան, Սան Մարինոն և Ֆրանսիան հայտարարեցին Պաղեստինի պետության ճանաչման մասին։ Ավստրալիան, Միացյալ Թագավորությունը, Կանադան և Պորտուգալիան սեպտեմբերի 21-ին ճանաչեցին Պաղեստինը։
Հետևեք մեզ տելեգրամում
