Հայաստանը ողջունում է Գազայի հատվածում պատերազմը դադարեցնելու վերաբերյալ ԱՄՆ նախագահ Դոնալդ Թրամփի ներկայացրած ծրագիրը։
Այս մասին ԵԽԽՎ լիագումար նիստի ընթացքում այս մասին հայտարարել է ՀՀ վարչապետ Նիկոլ Փաշինյանը՝ պատասխանելով պատգամավորներից մեկի հարցին, թե կարելի է արդյոք լավատեսություն ունենալ Գազայի հատվածում պատերազմի դադարեցման հարցում։
«Գիտեք, որ նախագահ Թրամփը խաղաղության ծրագիր է առաջարկել, և միջազգային հանրությունն արդեն ողջունել է այդ ծրագիրը։ Մենք նույնպես ողջունում ենք և հույս ունեմ, որ ծրագրի իրագործման արդյունքում, ի վերջո, կհաջողվի խաղաղություն հաստատել Գազայի գոտում։ Նաև ասեմ, որ նախորդ տարի Հայաստան ճանաչել է Պաղեստինի պետությունը, և մենք ուշիուշով հետևում ենք գործընթացներին ու հույս ունենք, որ ի վերջ խաղաղություն կհաստատվի նախագահ Թրամփի ջանքերի արդյունքում և միջազգային հանրության աջակցության պայմաններում»,- ասել է Փաշինյանը։
Սեպտեմբերի 29-ին Սպիտակ տանը Իսրայելի վարչապետ Բենյամին Նեթանյահուի հետ հանդիպումից հետո ԱՄՆ նախագահ Դոնալդ Թրամփը հրապարակել էր Գազայի հատվածում պատերազմը դադարեցնելու վերաբերյալ իր պլանը: Այդ ծրագրի համաձայն՝ Իսրայելի կողմից դրական արձագանք ստանալուց հետո՝ 72 ժամվա ընթացքում, ազատ են արձակվելու «ՀԱՄԱՍ»-ի կողմից պահվող իսրայելցի բոլոր պատանդները: Դրա դիմաց Իսրայելն ազատ է արձակելու պաղեստինցի հարյուրավոր պատանդների և զորքերն աստիճանաբար դուրս է բերելու Գազայի հատվածից:
Գազայի հատվածը դառնալու է ապառազմականացված գոտի, իսկ շարժումը պետք է հրաժարվի պաղեստինյան այդ շրջանը որևէ ձև կառավարելու դերից: «ՀԱՄԱՍ»-ի անդամները պետք է վայր դնեն զենքերը, հեռանալ տարածքից: ,
Այս ամենից հետո հետո, Գազայի հատվածում կտեղակայվեն միջազգային ուժեր և կսկսվեն հումանիտար օգնության մասշտաբային մատակարարումներ։ Բացի այդ, կստեղծվի հատուկ տնտեսական գոտի։ Նշվում է նաև, որ Գազայի հատվածից մարդկանց բռնի տեղահանում չի իրականացվելու։
Գազայի հատվածը անցումային շրջանում կղեկավարվի տեխնոկրատների կոմիտեի կողմից՝ մինչև պաղեստինյան կառավարության կողմից բարեփոխումների իրականացումը։ Ի թիվս այլոց, բարեփոխումների հանձնաժողովի աշխատանքներին մասնակցելու ցանկություն ունի Մեծ Բրիտանիայի նախկին վարչապետ Թոնի Բլեերը։ Թրամփը հայտարարել է, որ հանձնաժողովը ինքն է ցանկանում գլխավորել։
Հետևեք մեզ տելեգրամում
