Որքա՞ն է ՖԻՖԱ-ն տուգանել Հայաստանի ֆուտբոլի ֆեդերացիային

Ֆուտբոլի միջազգային ֆեդերացիան (ՖԻՖԱ) տուգանել է Հայաստանի ֆուտբոլի ֆեդերացիային: Այս մասին հայտնել է ՖԻՖԱ-ի պաշտոնական կայքը:

ՀՖՖ-ն տուգանվել է աշխարհի առաջնության ընտրական մրցաշարի Հայաստան – Պորտուգալիա հանդիպման ժամանակ տեղի ունեցած խախտումների պատճառով: Տուգանքը կազմում է 12.000 շվեյցարական ֆրանկ:

Ըստ ՖԻՖԱ-ի Հայաստան-Պորտուգալիա խաղի ընթացքում տեղի են ունեցել թիմային անպատշաճ վարքագիծ, կարգի և անվտանգության խախտումներ, խաղադաշտ ներխուժման փորձ, ճայթուկների կամ այլ հրավառ առարկաների օգտագործում:

Հիշեցնենք, որ Հայաստան-Պորտուգալիա խաղը տեղի է ունեցել 2025-ի սեպտեմբերի 6-ին։ Հայաստանի հավաքականն այդ խաղում պարտվել է 0։5 հաշվով։