Վրաստանի արտաքին գործերի նախարարությունը հանդիպում է կազմակերպել երկրում հավատարմագրված դիվանագիտական կորպուսի ներկայացուցիչների հետ:
ԱԳ նախարարի առաջին տեղակալ Գիորգի Զուրաբաշվիլին դիվանագիտական կորպուսի ներկայացուցիչներին ծանոթացրել է հոկտեմբերի 4-ի ՏԻՄ ընտրությունների ընթացքի և արդյունքների, ինչպես նաև նույն օրը տեղի ունեցած իրադարձություններին։
Փոխնախարարի խոսքով՝ հոկտեմբերի 4-ի ընտրություններին հետևել են 28 միջազգային և 27 տեղական կազմակերպություններ, ինչպես նաև 73 լրատվամիջոցի մոտ 1000 ներկայացուցիչ:
«Ընդհանուր գնահատականը հաստատել է, որ ընտրություններն անցել են խաղաղ, թափանցիկ պայմաններում, ընտրական գործընթացը կազմակերպվել է պրոֆեսիոնալ կերպով, և Վրաստանի քաղաքացիները հնարավորություն են ունեցել ազատորեն իրականացնել իրենց ժողովրդավարական իրավունքները»,- ասել է Զուրաբաշվիլին։
Գիորգի Զուրաբաշվիլին հանդիպման ժամանակ ընդգծել է հոկտեմբերի 4-ի իրադարձությունների համարժեք գնահատման կարևորությունը՝ նշելով, որ կարևոր է, որ միջազգային գործընկերները հեռու մնան և դատապարտեն հանրահավաքի մասնակիցների բռնի գործողությունները, որոնց արդյունքում վիրավորվել են իրավապահ մարմինների մի շարք աշխատակիցներ և լրագրողներ, վնասվել է քաղաքային ենթակառուցվածքը։
Արտգործնախարարությունից ևս մեկ անգամ նշել են, որ բաց ու պատրաստակամ են շարունակել համագործակցությունը գործընկերների և Վրաստանում հավատարմագրված դիվանագիտական կորպուսի հետ
Հետևեք մեզ տելեգրամում
