ԱՄՆ նախագահ Դոնալդ Թրամփը հայտարարել է, որ Իրանի դեմ պատերազմը ընտրություններից անմիջապես հետո «շատ կարճ ժամանակում կավարտվի»։ Նրա խոսքով՝ Իրանի իշխանությունները ցանկանում են, որ ԱՄՆ-ը պարտվի, որպեսզի կարողանան բանակցել «հիմար և թույլ դեմոկրատների» հետ և շարունակել միջուկային զենքի ստեղծման գործընթացը։ «The Jerusalem Post»-ի փոխանցմամբ՝ այս մասին նա հայտարարել է Հանրապետական կուսակցության միջանկյալ ընտրություններին նվիրված համաժողովում։
«Մենք հաղթում ենք։ Մենք վերահսկում ենք Հորմուզի նեղուցը», – հայտարարել է Թրամփը։ Նրա խոսքով՝ Իրանը ընտրություններից անմիջապես հետո կդադարեցնի պատերազմը կամ դուրս կգա դրանից, քանի որ, նրա խոսքով, Թեհրանը «հուսահատորեն ցանկանում է գործարք կնքել»։
Թրամփը կրկին առաջարկել է Հորմուզի նեղուցը վերանվանել իր անունով՝ այն կոչելով «Թրամփի նեղուց»։
«Ես պետք է այս ամենից ինչ-որ բան ստանամ՝ «Թրամփի նեղուցը»», – ասել է ԱՄՆ նախագահը՝ հավելելով, որ շուտով այդ մասին հայտարարություն կանի և վստահեցնելով, որ «Իրանի ղեկավարությունը դրանից շատ կուրախանա»։
Թրամփը նաև հայտարարել է, որ Իրանը «քայքայվում է»՝ երկիրը բնութագրելով որպես «Մերձավոր Արևելքի կռվարար»։
«Նրանք այլևս կռվարար չեն։ Մենք աշխարհի ցանկացած վայրում ամենահզոր երկիրն ենք», – ասել է ԱՄՆ նախագահը։
Հետևեք մեզ տելեգրամում
