Թուրքիայի նախագահ Ռեջեփ Թայիփ Էրդողանը հայտարարել է, որ ԱՄՆ նախագահ Դոնալդ Թրամփը խնդրել է, որ թուրքական կողմը համոզի «ՀԱՄԱՍ»-ին մասնակցել հակամարտության կարգավորման գործընթացին։
«ԱՄՆ մեր այցի և վերջին հեռախոսազրույցի ժամանակ մենք պարոն Թրամփին բացատրեցինք, թե ինչպես է հնարավոր հասնել պաղեստինյան հարցի լուծմանը։ Նա հատուկ խնդրեց մեզ հանդիպել «ՀԱՄԱՍ»-ի հետ և համոզել նրանց համաձայնության գալ։ Այս համատեքստում մենք անհապաղ կապ հաստատեցինք մեր գործընկերների հետ։ Ես Թրամփին ասացի, որ մենք աջակցում ենք նրա խաղաղության ջանքերին։ Մենք նաև հրապարակավ հայտարարեցինք դա։ «ՀԱՄԱՍ»-ը պատասխանեց, որ պատրաստ է խաղաղության և բանակցությունների՝ առանց որևէ հակասական հռետորաբանության։ Իմ կարծիքով, սա շատ լուրջ է»,-Ադրբեջանից վերադառնալիս լրագրողների հետ զրույցում ասել է Էրդողանը:
«Մենք կձգտենք լուծել իսրայելապաղեստինյան հակամարտությունը երկու պետության սկզբունքի հիման վրա։ Բոլոր պաղեստինցիները գիտեն, որ Թուրքիան պաշտպանում է Պաղեստինի շահերը։ Մենք կպաշտպանենք Գազայի ճնշված ժողովրդի իրավունքները, կարծես մենք պաշտպանում ենք մեզ… Մեր գործընկերները այժմ Շարմ էլ Շեյխում են, որտեղ բանակցություններ են ընթանում Գազայի կարգավորման շուրջ»,-հավելել է Էրդողանը։
Հետևեք մեզ տելեգրամում
