«Ես ողջունում եմ թուրքական ընկերությունների ներդրումները, որովհետև ցանկացած խաղաղություն հարևանների միջև պիտի ամրապնդվի ֆինանսական ներդրումներով»։ Այդ մասին ԱԺ-ում լրագրողների հետ ճեպազրույցի ընթացքում հայտնել է Հայաստանի էկոնոմիկայի նախարար Գևորգ Պապոյանը։
Նա կարևորել է խաղաղության հաստատման ու սահմանները բացելու դեպքում թուրքական ներդրումները. «Մենք էլ կգնանք, այնտեղ ներդրումներ անենք։ Եթե թվում է, որ հակառակ պարագայում կարող ենք ունենալ կենսունակ պետություն, նայեք նախորդ 3 տասնամյակի պատմությունը»։
Ըստ նախարարի՝ թուրքական ընկերություններ Հայաստանում կան դեռևս 2012-13թթ․-ից։
Հետևեք մեզ տելեգրամում
