Ռուսաստանի նախագահ Վլադիմիր Պուտինի և Սիրիայի ժամանակավոր նախագահ Ահմեդ ալ-Շարաայի հոկտեմբերի 15-ին կայանալիք բանակցությունները շատ կարևոր են։ Սրանք հանրապետությունում իշխանափոխությունից հետո ամենաբարձր մակարդակի առաջին անձնական շփումներն են, ճեպազրույցի ժամանակ հայտարարել է Ռուսաստանի առաջնորդի մամուլի քարտուղար Դմիտրի Պեսկովը։
«Կարևոր օր է ռուս-սիրիական հարաբերությունների համար։ Սիրիայի Արաբական Հանրապետությունում իշխանափոխությունից հետո սա ամենաբարձր մակարդակի առաջին անձնական շփումներն են»,-լրագրողներին տեղեկացրել է Կրեմլի խոսնակը։
Նշենք, որ բանակցությունների ընթացքում նախատեսվում է քննարկել ռուս-սիրիական կապերի ներկայիս վիճակը և զարգացման հեռանկարները քաղաքական, առևտրային, տնտեսական և հումանիտար ոլորտներում, ինչպես նաև Մերձավոր Արևելքում վերջին զարգացումները։
Հետևեք մեզ տելեգրամում
