Ադրբեջանում լրագրող Զաուր Գամբարովը ծեծի է ենթարկվել սոցիալական պաշտպանության պետական ֆոնդի Գեդաբեկի բաժնի ղեկավարի և նրա վարորդի կողմից։
Հարձակման պատճառ է դարձել Covid-19 համաճարակի պայմաններում սոցիալական աջակցության անհամաչափ բաշխման մասին պատմող տեսանյութը։
«Լրագրողներ առանց սահմանների» իրավապաշտպան կազմակերպությունը թվիթերյան իր էջում անդրադառնալով թեմային՝ գրել է․ «Սույն միջադեպը պե՛տք է հետաքննվի։ Ո՛չ անպատժելիությանը»։
Նշենք, որ միջադեպը տեղի է ունեցել մայիսի 4-ին։ Լրագրողը սոցիալական պաշտպանության պետական ֆոնդի շրջանային բաժին է այցելել՝ քաղաքացիներից ստացված բողոքները հետաքննելու նպատակով։ Բայց նրա վրա են հարձակվել բաժնի վարիչ Խուդավերդիևը և նրա վարորդ Գալանդարովը։ Հարձակման պատճառը համավարակի պայմաններում սոցաջակցության բաժանման վերաբերյալ քննադատական տեսանյութն է։
Հետևեք մեզ տելեգրամում
