Հաղարծին տանող ճանապարհին ավտոբուսի վթարի հետևանքով հոսպիտալացվածների թիվը հասել էր 30-ի։ Տուժածները մարզային բժշկական կենտրոնում ստացել են անհրաժեշտ բուժօգնություն: Հանրապետական շտապօգնության ծառայության միջոցով կազմակերպվել էր տուժածներից 6-ի տեղափոխումը երևանյան բուժհաստատություններ: Այդ մասին հայտնել է ՀՀ առողջապահության նախարարի մամուլի խոսնակ Մարիամ Ծատրյանը։
Հիշեցնենք, որ Հաղարծին վանական համալիրի մոտակայքում Վալերի Բրյուսովի անվան պետական համալսարանի ուսանողներին տեղափոխող ավտոբուսը դուրս էր եկել ճանապարհի երթևեկելի գոտուց և, բախվելով ծառերին, կիսակողաշրջված հայտնվել անտառի մեջ։
Հետևեք մեզ տելեգրամում
